Con todo o sabor da UNED

29 de enero de 2025

A Universidade ten aberto ata o 16 de marzo o prazo para presentar recetas que concursarán no XII certame GastroUNED, dedicado este ano a salientar a figura do escritor Blasco Ibáñez.

OURENSE, 29 de xaneiro de 2025. A UNED convoca a duodécima edición do seu Certame GastroUNED, que nesta ocasión servirá de homenaxe a Vicente Blasco Ibáñez (Valencia, 1867-Menton, Francia, 1928), un dos escritores españois máis coñecidos e recoñecidos internacionalmente. Autor moi prolífico, ademáis dos seus éxitos mundiais e dos seus libros de viaxes, é recordado con cariño polas súas novelas de ambiente valenciano, como Arroz y tartana, Cañas y barro ou La barraca. Estas dúas últimas foron convertidas en exitosas series de televisión, a finais dos anos 70 do pasado século. Cultivou tamén unha apaixonada faceta política, chegando a ser nomeado Deputado a Cortes por Valencia.

As bases son as seguintes:

A receta enviada a concurso estará vencellada con algunha das súas obras: La Barraca ou Cañas y barro.
Valorarase que a receta sexa novedosa e orixinal, de carácter persoal. Deberá estar elaborada con produtos que se encontren habitualmente no mercado.
O espazo da receta deberá axustarse ao tamaño da ficha que se encontra na seguinte ligazón . Na ficha deberá incluirse o título da receta, os ingredentes, a elaboración, unha explicación da súa relación coa lectura elexida e unha breve biografía do autor así como os seus datos personais. Todos os campos son obrigatorios.
Se a receta resultase escollida polo xurado, pedirase unha foto da mesma. Con todo, recoméndase que se inclúa na receta enviada a concurso.
Só serán admitidos arquivos en Word.
O prazo de presentación estará aberto ata o 16 de marzo de 2025.
As recetas enviaranse á seguinte dirección electrónica: lacocinadelauned@adm.uned.es
Concederanse dous premios:

O primeiro, de 500 euros.
O segundo consistirá nun lote de produtos dos patrocinadores.

Os premiados e unha selección de participantes realizada polo xurado, obterán 0,5 créditos ECTS.
O premio económico estará suxeito á fiscalidade vixente.
A UNED resérvase o dereito de publicar (edición en papel e/ou edición dixital) as recetas gañadoras e seleccionadas en calquera data a partires do fallo. O autor non percibirá cantidade algunha en concepto de dereitos de autor pola primeira edición.
Todo aquelo non previsto nestas bases quedará sometido ao criterio do xurado. El fallo do xurado farase público, a través da páxina Web da UNED.
As recetas seleccionadas polo xurado aparecerán na páxina Web do Club de Cultura de la UNED.
A participación neste premio supón a plena aceptación das bases.