UNED Senior Ourense, de viaxe cultural en León

18 de junio de 2024

Un grupo de veteranos estudantes ourensáns percorreu os principais monumentos de León durante o pasado xoves e venres. Foi unha viaxe de fin de curso na que estiveron acompañados polo profesor titor de artee pola coordinadora desta sección que depende de UNED Ourense.

OURENSE, 18 de xuño de 2024. Os estudantes de UNED Senior Ourense viaxaron a León como acto con lle que selar o final do curso académico. E fixérono acompañados pola coordinadora, Concepción Álvarez Gómez e polo profesor Ángel Domínguez López. En total, un grupo de 34 persoas, que gozaron visitando San Isidoro, o Museo de León, San Migue da Escalada, a Catedral e o seu museo, así como San Marcos. Para ver toda esta riqueza patrimonial dedicaron o xoves e venres pasados. A satisfacción foi considerable debido ás explicacións do profesor en cada un deses lugares de interese patrimonial. Os estudantes tan contentos quedaron que non dubidaron en preguntar cal será o destino da viaxe do próximo curso académico 2024/2025.

San Miguel da Escalada foi unha das súas paradas. E alí visitaron esta xoia de estilo mozárabe e construída sobre unha igrexa visigoda. Este mosteiro fundouse a finais do século IX, durante o reinado de Alfonso III, por un grupo de monxes cristiáns cordobeses encabezados polo abade Alfonso, que se estableceron sobre os restos dunha igrexa visigoda consagrada ao arcanxo San Miguel. No ano 1050 renovouse a fundación, abríndose a porta pola que hoxe se accede ao templo. Coa Desamortización, as últimas posesións do mosteiro foron expropiadas. Nas escavacións realizadas en 1968 apareceron, no subsolo da capela románica, os cimentos da ábsida da primitiva igrexa visigoda. Esta visita fixo as delicias dos membros da UNED Senior de Ourense.

Entre visita e visita guiada, o grupo ourensán tivo tempo, ademais, para contemplar outros fitos patrimoniais da cidade de León, como a Casa dos Botíns, o Palacio dos Guzmanes, e outros espazos urbanos desta preciosa cidade. Outra visita que non os deixou indiferentes foi a que realizaron á Catedral de Santa María. A luz vespertina derramada nas vidreiras crea un ambiente especial, máxico, cheo de cor, a luz divina, no interior deste templo maior da diocese lexionense. Neste monumento universalmente coñecido, cuxa construción dase por iniciada un 11 de abril de 1222, os visitantes viron detalles que mostran o influxo da catedral francesa de Reims en León. A primeira influencia hai que buscala na planta desta catedral. No caso francés o mestre Jean Loup traballou o piar acantonado e achegou á arquitectura gótica a tracería de barra que se detecta moi ben nos vans, divididos verticalmente en lancetas coroadas por rosetas. Jean Loup traballou posteriormente en León e outro dos seus detalles plasmados na catedral española son as molduras horizontais que percorren o muro e non se interrompen ao chegar aos piares. Naquel século XIII traballaron en León Jean Loup e o mestre Simón, quen a mediados daquel século introduciu elementos do gótico radiante francés que vía n de París. Outra pegada remense, como maxistralmente apunta o investigador Julio Alfonso García, no tempo legionense son os arcos apuntados e cegos que decoran a parte inferior do muro das naves laterais. Este detalle empregárao Loup nas capelas das ábsidas en Reims. A finais do XIII destaca en León como mestre de obras na catedral o mestre Enrique, quen con anterioridade traballara en Burgos. Pouca importancia tivo este mestre. Apenas hai influencia burgalesa na sede de León. Si se recoñece na portada que dá ao claustro, coñecida como o portal da Virxe do Dado. Igualmente atribúenselle os cambios feitos no triforio de León, debaixo dos rosetones, xa que se observa o achicamiento das rosetas nesas zonas.

A visita a San Isidoro foi outro fito importante nesta viaxe a León. A Real Colexiata de San Isidoro de León é un dos conxuntos románicos máis importantes de Europa, que supera os mil anos de historia. Desde o seu nacemento no século X, como mosteiro feminino no cal serían acollidas mulleres da familia real, ata a actualidade, en que San Isidoro e o seu Museo convertéronse nun referente turístico e cultural para a cidade de León. Os ourensáns contemplaron marabillas unha detrás doutra nesta cidade punto importante no Camiño Francés a Compostela. Os estudantes veteranos souberon que en tantos anos de existencia desta Real Colexiata, vivíronse épocas de gran esplendor En tan dilatada vida, a Real Colexiata pasou por momentos de esplendor, entre os que cabe destacar, o traslado dos restos de San Isidoro desde Sevilla ata León en 1063. A construción do Panteón Real polos reis, Fernando I e dona Sancha, a mediados do século XI. Ou a realización da decoración mural encargada pola súa filla, dona Pega, que lle valeu o título de Capela Sixtina do Románico. Tamén na Idade Media o mosteiro tería un importante scriptorium onde se copiarían parte dos códices que hoxe contemplamos. Entre os séculos XV e XVIII ampliáronse o claustro e os espazos monásticos, construíndose unha importante biblioteca. Unha visita así en persoas interesadas provoca emoción, enorme interese e un goce extraordinario. Outro fito visitado foi San Marcos, importante complexo cultural na saída da cidade cara a Santiago. Alí tivo a súa sede principal da Orde de cabalería de Santiago para o Reino de León,e constitúe o mellor exemplo da arte do Renacemento na provincia. E aínda que destaca excesivamente o estilo renacentista, o certo é que a construción do complexo data da Idade Media. As obras finalizaron no Século XVIII emulando o estilo renacentista. Ao ser convertido o parador, a fábrica resultou moi alterada. A súa enorme fachada mostra elementos arquitectónicos retóricos e relevos clasicistas, e exhibe esculturas saídas do cincel de Juni, entre outros mestres. Dadas as dimensións da fachada, a parte oriental levantouse no século XVI e a occidental, , máis próxima ao río, foi edificada nos primeiros anos do XVIII.

Con esta visita a León culminou o curso académico dos alumnos da UNED Senior en Ourense, todos eles maiores de 55 anos, que reciben as súas clases, de ensino non regrado, no Centro Cultural Marcos Valcárcel, dúas tardes á semana, cada luns e xoves. A matrícula destes cursos só custa a cada alumno ourensán, 25 euros.