A UNED organiza en Valdeorras e en Monterrei dous cursos de formación en viticultura e plantación de viñedo

Ambos os dous contarán con 24 horas presenciais e celebraranse en A Rúa e en Vilaza os venres e sábados ata maio do 2020

OURENSE, 20 de novembro de 2019.- O Centro Asociado á UNED en Ourense implícase na formación en técnicas de viticultura e plantación do viñedo nas comarcas de Valdeorras e Monterrei. Ambos os cursos de 24 horas de formación presencial  desenvolveranse   os venres pola tarde e os sábados pola mañá ata o mes de maio

O primeiro curso empeza este venres, día 22, na aula Universitaria da UNED na Rúa. Este ten 30 prazas ofertadas, que están a piques de cubrirse.

O segundo comeza o venres 29 de novembro en Monterrei na antiga cámara agraria de Vilaza. Este ten 20 prazas.

Con estas actividades formativas a UNED de Ourense segue a súa política de achegar a formación en diversos puntos da provincia, en especial nos temas relacionados coa enoloxía, o enoturismo e a viticultura. O Centro Asociado á UNED en Ourense foi o primeiro centro universitario de Galicia en ofertar cursos específicos de inglés adaptados para adegueiros, formación especial en enoturismo para guías turísticos, e manipulación de alimentos adaptada ao sector adegueiro.

Estes son as ligazóns a ambos os cursos:

Curso A Rúa:              

http://extension.uned.es/actividad/19957&codigo=ICDTD

Curso Monterrei

http://extension.uned.es/actividad/20833&codigo=TDCEV