UNED Ourense introdúcete na Computación Cuántica 

Do 17 de febreiro ao 31 de marzo desenvolverase este curso, totalmente en liña, tanto en directo como en diferido. E da dereito a obter 1,5 créditos ECTS.

OURENSE, 16 de xaneiro de 2025. UNED Ourense ofrece unha nova edición do Curso de Introdución á Computación Cuántica, que terá lugar no centro universitario do 17 de febreiro ao 31 de marzo. Esta iniciativa vai permitir coñecer algúns conceptos de información e criptografía cuántica. Entre os contidos figura unha introdución aos conceptos que se necesitan de álxebra lineal e mecánica cuántica, necesarios para afrontar o curso. Ao ser un ciclo de introdución, as implementacións que se tratan son exemplos sinxelos.

Este curso consta de 30 horas lectivas e dá dereito a obter 1,5 créditos ECTS. Os alumnos poderán asistir en liña, tanto en directo como en diferido. O relator será José Luis López Fernández, profesor titor de Informática en UNED Ourense.

O programa é o seguinte:

Luns, 17 de febreiro

•  18:00-21:00 h. Tema 1: Introdución á computación cuántica. Fundamentos e aplicacións. 

Xoves, 20 de febreiro 

• 18:30-20:30 h. Tema 2: Modelo matemático. Qubits. Operacións básicas con qubits. 

Luns, 24 de febreiro 

• 18:30-20:30 h. Tema 3: Estados cuánticos. Superposición e entrelazamiento cuántico (entanglement). 

Xoves, 27 de febreiro 

• 18:30-20:30 h. Tema 3: Estados cuánticos. Superposición e entrelazamiento cuántico (entanglemet). Continuación. 

Mércores, 5 de marzo 

• 18:30-20:30 h. Tema 4: Computación cuántica. Puertas cuánticas. Modelo de circuítos. Qiskit. A computación cuántica na nube. 

Xoves, 6 de marzo 

• 18:30-20:30 h. Tema 5.1: Exercicios co modelo de portas .Simuladores cuánticos. Hardware. A computación cuántica na nube. 

Luns, 10 de marzo 

• 18:30-20:30 h. Tema 5.2: Teoría complexidade computacional. Algoritmos cuánticos visión xeral: Grover, Shor, Transformada Fourier. 

Xoves, 13 de marzo 

• 18:30-20:30 h. Tema 6: Teleportación cuántica. Superdense Coding. Teoría información. 

Xoves, 20 de marzo 

• 18:30-20:30 h. Tema 7.1: Optimización en computación cuántica. Modelo Ising. Problemas QUBO. Quantum Annealing. 

Luns, 24 de marzo 

• 18:30-20:30 h. Tema 7.2: Optimización en computación cuántica: QAOA( Quantum Approximate). Variational Quantum Eingensolver (VQE). 

Xoves, 27 de marzo

• 18:00-20:30 h. Tema 8: Criptografía cuántica. Seguridade. 

Luns, 31 de marzo 

• 18:00-20:30 h. Tarefas finais: Exercicios repaso e test final. 

Inscrición

Matricúlaa modalidade ESTUDANTES é para os alleos á UNED (outras universidades, ciclos FP, escola oficial de Idiomas e conservatorios de música). Teñen que achegar copia da matrícula do curso 24-25. Os demandantes de emprego deben anexar certificado actualizado da oficina de emprego. Os participantes de familia numerosa (xeral e especial) teñen que anexar copia do carné ou certificado oficial correspondente. 

Matrícula

• Matrícula Ordinaria: 55euros
• Familia numerosa xeral: 35 euros
• Alumnos UNED: 45 euros
• Familia numerosa especial: 35 euros
• Estudantes: 45 euros
• Persoas en situación de desemprego: 35 euros. 

A matrícula é en liña, picando aquí.

Este curso está dirixido por Timothy Martin Read, profesor Titular de Universidade. Departamento de Linguaxes e Sistemas informáticos. ETS Enxeñería Informática da UNED. Vai destinado a estudantes de carreiras técnicas e, en xeral, a cantas persoas teñan interese nesta apaixonante tecnoloxía. Sería desexable que o alumno coñeza algunha linguaxe de programación clásico (se é posible Python) e teña algún coñecemento elemental de álxebra lineal. Sería suficiente cun nivel de bacharelato, aínda cando se fai un breve repaso destes conceptos no curso.

Obxectivos

O obxectivo fundamental do curso é difundir coñecementos básicos sobre as tecnoloxías cuánticas, esencialmente computación cuántica e conceptos de áreas relacionadas, información cuántica e criptografía cuántica. 

Metodoloxía

O curso realizarase de maneira totalmente telemática na modalidade en liña. As clases gravaranse con obxecto de facilitar o seguimento do mesmo. Explicaranse os contidos e realizaranse exercicios para reforzar a aprendizaxe, utilizando a ferramenta Qiskit e Composer de IBM. Comentaranse outras ferramentas que poden utilizarse para realizar as prácticas. Será necesario para superar o curso realizar satisfactoriamente unha proba análoga aos exercicios que se irán resolvendo nas clases así como cubrir a enquisa final de curso. 

Sistema de avaliación

Os participantes realizarán tarefas que se computarán como 4 horas de traballo (a maiores das 26) para a avaliación final do curso.

Obxectivos de Desenvolvemento Sostible

Esta actividade impacta no ODS número 9. Industria, Innovación e Infraestruturas.

UNED Ourense

Comunicación