Unha universidade que practica a cohesión social e territorial

14 de marzo de 2023

Ponferrada acolleu o luns un novo acto do 50 aniversario da UNED para salientar os resultados do proxecto La UNED y el territorio. O presidente do Senado, Ander Gil; o reitor, Ricardo Mairal, e o alcalde de Ponferrada e presidente do Consorcio de UNED Ponferrada, Olegario Ramón, encabezaron o acto poñendo en valor o traballo que a UNED desenvolveu durante estas cinco décadas achegando o Ensino Superior a lugares aos que non chegaría de ningunha outra forma. Fíxose fincapé especialmente no papel esencial do centro ponferradino, xunto ás sedes de Tudela e Barbastro e o Centro Tecnolóxico da UNED en Las Rozas (Madrid), no desenvolvemento tecnolóxico da universidade.

OURENSE, 14 de marzo de 2023. Neste importante acto salientouse especialmente o papel esencial do centro ponferradino, xunto ás sedes de Tudela e Barbastro e o Centro Tecnolóxico da UNED en Las Rozas (Madrid), no desenvolvemento tecnolóxico da universidad. Tamén se presentaron os resultados máis sobresaíntes do proxecto ‘La UNED y el territorio’, que desde fai uns anos loita frente ao reto demográfico con proxectos de impacto laboral, social, cultural e de I+D+i en localidades da denominada “España baleirada”.

O alcalde de Ponferrada, Olegario Ramón Fernández, foi destacando varios proxectos de dixitalización que o Concello desenvolve coa UNED, que non son poucos, e sinalou como a súa cidade é hoxe un referente en tecnoloxía. O alcalde mencionou entre outros, o proxecto do Anel Verde ou o de Ponferrada Calidade de Vida, que van impulsar unha transformación profunda do municipio.

O presidente do Senado, Ander García Gil, fixo fincapé na "excelencia educativa e a cohesión social" da UNED. Engadiu que esta universidade "saíu ao rescate das súas irmás na pandemia", no sentido de exportar a aplicación de exames en liña. "O peor que se lle pode dicir a unha persoa é 'non podes", referíndose a que isto non cabe na UNED pois se adapta a todos os cidadáns. Unha vez máis o presidente do Senado reiterou a súa felicitación á UNED, tal como fixera en xuño do ano pasado, cando dentro dos actos do 50 aniversario que celebra esta universidade, tivo lugar un solemne acto no hemiciclo histórico da Cámara Alta. "Todos os senadores e senadoras sabemos ben a función que realiza a UNED, unha universidade moderna e experimentada, que practica a cohesión social e territorial, pois a UNED leva medio século ampliando as marxes do seu nome. E constitúe o primeiro campus de Europa, unha realidade obxectiva". Segundo Ander Gil, "UNED é sinónimo de sustentabilidade. É un muro de contención fronte ao desmantelamento que sofren moitos territorios". Tamén manifestou que a UNED "permite aos xoves non renunciar ao seu fogar, nen seren rehenes da escasez de recursos para os seus estudos".

O reitor da UNED, Ricardo Mairal Usón, destacou que esta universidade posúe unha "esencia diferencial de excelencia académica e investigadora e de cohesión social". Mairal agradeceu profundamente o discurso que Ander Gil pronunciara o ano pasado no Senado, que demostra unha sensibilidade e coñecemento especial da función da UNED.

Ricardo Mairal destacou que a universidade do século XXI debe estar atenta ás demandas. "porque isto vai de propagar o coñecemento para beneficiar aos demais".

"A UNED persegue a igualdade de oportunidades e a inclusión desde hai 50 anos. Case tres millóns de persoas matriculáronse nese tempo. A UNED mantén unha estreita colaboración coas institucións para dispoñer de 61 centros e duascentas aulas en todo o territorio. Apostar por unha metodoloxía semi presencial naquela época era revolucionario", O reitor referiuse igualmente á evolución tecnolóxica vivida na UNED ao longo de todas estas décadas, unha evolución que ten un fito no ano 2000 cando no Centro Asociado de Ponferrada abriuse a rede de INTECCA. "A nosa universidade está comprometida co territorio e coa sociedade. E apostamos polo optimismo que dá o coñecemento, a ciencia, presidido pola investigación. Vivimos unha ocasión histórica e temos que apostar por proxectos que configuren unha nova universidade para que a sociedade de dentro de dez anos fáganos sentir orgullosos. Apostamos pola innovación na que non caben nin adanismos nin eruditismos. E Ponferrada é un claro exemplo de innovación".

Ricardo Mairal expuxo que se trata de que "os nosos estudantes poidan dispoñer dos mellores medios e poidan competir" á vez que subliñou que "a universidade do século XXI debe estar atenta ás demandas. Porque isto vai de propagar o coñecemento para beneficiar aos demais". A primeira autoridade da UNED destacou neste acto celebrado na capital berciana, que "Ponferrada é un centro de referencia en tecnoloxía dixital e en desenvolvemento de recursos pedagóxicos para os nosos estudantes, e que imos poder replicar noutras universidades". Pechou a súa intervención o reitor sinalando que defende unha UNED na que impere o "diálogo como forma de pensamento crítico e a dúbida, que nos afasta de todo tipo de dogma" non sen anunciar novas funcionalidades para a rede de centros asociados da UNED

Neste acto estaban primeiras autoridades de Ponferrada, da provincia leonesa e da Junta de Castilla y León así como os vicerreitores de Centros Asociados, Jesús de Andrés Sanz; Tecnoloxía, Rocío Muñoz Mansilla; e Estudantes, Ana Lisbona Bañuelos así como os directores da UNED en Lugo, Ana Belén Traseira Pena; Ourense, Jesús Manuel García Díaz; Pontevedra e do Campus N.O., Víctor Manuel González Sánchez e Zamora, Antonio Rodríguez González, e tamén o de Ponferrada, Jorge Vega Núñez, que fixo de anfitrión. Tamén estaba a directora de Gabinete do Reitor, Karen Vilacoba Ramos.

O Reitor, co presidente do Senado, con vicerreitores e con directores de cinco centros asociados da UNED, no acto celebrado en Ponferrada.

O Centro UNED de Ponferrada é, desde 2022, Medio propio da Universidade e acolle o Centro Tecnolóxico INTECCA, a Cátedra de Territorios Sostibles e Desenvolvemento Local e o Centro de Innovación e Emprendemento no Territorio (CIET) que en xullo de 2021 foi impulsado polo ministro Castells. Co obxectivo de dinamizar o territorio, o CIET realiza Transferencia de Tecnoloxía (Intelixencia Artificial, Tecnoloxías Semánticas, Internet das Cousas…) sobre a base dun Ecosistema Colaborativo formado por entidades pertencentes ao seu consorcio, Concello de Ponferrada, a Deputación de León e o Consello Comarcal do Bierzo, outras entidades públicas colaboradoras, CIUDEN, INCIBE e a Junta de Castilla y León e máis de 60 entidades privadas adheridas cos que se desenvolven diferentes proxectos en base a un modelo de prototipado no que a formación profesionalizante supón un papel fundamental. Os resultados desta colaboración xa resultan patentes, pois no exercicio 2022 o Centro UNED en Ponferrada obtivo un retorno social e económico do investimento de 17.435.736,34 euros, de forma que cada euro investido retorna 9,09 euros. Só INTECCA rexistra:

Número de usuarios: 506.490
Número de visitas a vídeos AVIP: 44.107.656
Número de docentes que gravan: 13.016
Número de vídeos repositorio AVIP: 412.100
Valoración plataforma AVIP (de 1 a 5): 4,23

Como gran novidade para o exercicio 2023, dentro do proxecto UNIDIGITAL (impulsado polo Ministerio de Universidades, a través dos fondos europeos de recuperación e resiliencia, para a modernización e dixitalización do sistema universitario español), están a traballar nunha encomenda de xestión para o noso Centro Tecnolóxico de Ponferrada centrada na creación de Ontologías para os contidos dixitais educativos e un Xerador Intelixente de Contidos e Cursos. Este novo encargo pode supoñer a incorporación de ata 16 recursos e un incremento sensible da capacidade de transferencia tecnolóxica para a dinamización territorial.

Autoridades políticas e académicas minutos antes de iniciarse en acto con motivo do 50 aniversario da nosa universidade.

"Un magnífico exemplo da devandita transferencia é o proxecto Redprendendo no teu pobo que vén desenvolvendo coa Deputación de León no marco do seu Centro de Innovación Territorial. Este proxecto nas súas primeiras fases piloto desenvolveuse en 176 localidades de 94 municipios con máis de 4.000 participantes con resultados moi satisfactorios (o 98,3% dos participantes desexan continuar o próximo curso e un 81,5% mostran unha satisfacción xeral co programa máxima, 5 puntos sobre 5). Na fase piloto o proxecto supuxo: Sesións presenciais de inclusión dixital no medio rural, 11 por localidade (cada unha delas cunha duración de dúas horas) impartidos por 43 dinamizadores na fase piloto ou Conferencias temáticas en formato hibrido (duración unha hora), 37 conferencias na fase piloto ou Talleres de Emprendemento en formato hibrido (duración unha hora), 37 talleres na fase piloto. Trátase dun dos prototipos impulsados polo noso ecosistema de colaboración que, promovendo a inclusión dixital no medio rural, a innovación e o emprendemento de base social e tecnolóxica, resulta perfectamente escalable e replicable tal como conviñemos coa Secretaria Xeral de Reto Demográfico para avanzar cara a un Centro Nacional de Capacitación Dixital no Medio Rural", dixo o director de UNED Ponferrada, Jorge Vega.

Vídeo 'La UNED y el Territorio' en Ponferrada: 50 años de compromiso con el territorio