A asociación senegalesa ourensá AISO coñeceu a oferta académica da UNED desde o Centro Asociado da cidade
O director e o técnico de formación e emprego lles achegaron a realidade da Universidade pública máis grande de España
OURENSE, 14 de xuño de 2019.- Membros da directiva da Asociación de Inmigrantes Senegaleses en Ourense, ( AISO), visitaron esta tarde o centro Asociado á UNED en Ourense para interesarse polas oportunidades que esta Universidade pódelles brindar. Viñeron coa súa presidenta, Aby Ndao. Foron recibidos polo director da UNED na cidade, Jesús Manuel García Díaz e polo técnico de formación e emprego e de actividades de extensión universitaria, Luís Gulín Iglesias. Ás 19.30 horas reuníronse no salón de actos onde o director deulles a benvida ademais de facerlles un resumo do que é a Universidade pública máis grande de España. 
Ademais de ver un vídeo institucional da UNED, Luís Gulín explicoulles como acceder á Universidade con todos os requisitos necesarios. Tamén lles informou do Centro Universitario de Idiomas a Distancia CUID) así como da oferta tanto de graos como de másteres que ten esta Universidade. No grupo, ademais de Aby, estaban Iba Diagne Sarr, Khadim Gaye, Abdou Diaw e Name Ngone Ndiaye. Todos mostraron ademais do seu interese, a súa satisfacción polos datos recibidos, que llos trasladarán aos máis dun cento de asociados para que poidan estudar aqueles que o decidan.
Foi unha sesión cordial e familiar para informar, neste caso, á comunidade senegalesa afincada en Ourense. A UNED segue aberta para achegarse a calquera colectivo cidadán afincado na nosa provincia e que teña necesidade de coñecer a fondo esta institución universitaria. Xa o fixo meses pasados con tres asociacións de venezolanos. E farao con cantas persoas queiran coñecela en calquera recuncho da provincia.
