Microtítulos UNED, a combinación de coñecementos de áreas diversas deseñados para a túa especialización

8 de septiembre de 2021

Eres enxeñeiro e xa tes a túa propia empresa, pero descoñeces as técnicas para posicionala no mercado?, omicrograo en Marketing e Estratexias Comerciais está feito á túa medida. ¿Decidiches adicar o teu tempo a combater a crise ecolóxica que amenaza o noso futuro?, podes adquirir os coñecementos necesarios para facelo do xeito máis eficaz co micrograo Estratexias fronte ao cambio climático. Estes son dous exemplos, pero hai 12 micrograos e 1 micromestrado que che aportarán coñecementos especializados e multidisciplinares imposibles de obter doutra forma.

OURENSE, 8 de setembro de 2021.- As materias proveñen de graos ou mestrados oficiais, o que garante a súa calidade; e proceden tamén de distintas facultades, o que os dota dunha personalidade multidisciplinar única. Son títulos propios da UNED, que respostan á intención da UE de alentar a formación ao longo de toda a vida, e a UNED é a primeira universidade en ofertalos en toda Europa. A matrícula xa está aberta e permanecerá dispoñible ata o 21 de outubro.

Todos os microtítulos

Matrícula aberta para micrograos e micromestrados

“Con estes microtítulos ofrecemos coñecementos que xa están avalados polos títulos oficiais, coas vantaxes da especialización e a multidisciplinaridade, coñecementos aos que non se pode acceder de outra forma. Completar o microtítulo permite sumar esas materias xa cursadas a un futuro Grao ou Mestrado oficial, si esa é a opción, directamente, sen ningún tipo de convalidación nin xestión algunha”, explica Juan Manuel La Cruz López, vicerreitor de Grao e Posgrao.

“O primeiro dos que lanzamos, o Micrograo en Historia de España , rozou o milleiro de matriculas, o que nos permitiu constatar o interese pola fórmula e nos animó a elaborar os seguintes. A colaboración das distintas facultades permite un traballo moi completo en cada ún dos campos abordados. Para calquera estudante sería moi difícil acceder a materias con todos os avais de calidade de Ciencias, Dereito, Economía, Lingüísticas… a menos que seguiran cada ún dos Graos ou Posgraos nos que se imparten. Cos nosos microtítulos encontran esa adaptación xa feita pola universidade. Algúns, tamén son moi versátiles e contan con distintas materias optativas para que podan axustalos aínda máis aos seus intereses”.

Como exemplo, no micrograo en Estudos Medievais, da Facultade de Xeografía e Historia, inclúese historia do Derecho, linguas clásicas como Latín e Grego, de Filoloxía, Antropoloxía oo Filosofía: en Estratexia fronte ao Cambio Climático, da Facultade de Ciencias Políticas e Socioloxía, inclúese a xestión de Proxectos Ambientais, da ETSI de Enxeñeiros Industriais; Educación Ambiental, Dereito Penal Ambiental, das súas respectivas facultades, oo Avaliación do Impacto Ambiental, do departamento de Física Matemática e de Fluidos da Facultade de Ciencias.

O microtítulo obtense tras superar unha cantidade determiñada de créditos ECTS, que a UNED referencia nunhas 25 horas de estudo, con idéntico prezo ao establecido para os mesmos no Grao ou Mestrado do que proveñen. Os requisitos para inscribirse son idénticos a calquera grao ou posgrao, é decir, contar co Acceso á Universidade pola Selectividade ou culquera outro sistema oficial. A matrícula, sempre en liña, como toda a oferta da UNED, permanecerá aberta ata o 21 de outubro. E lembra:

Matrícula aberta en máis de 800 títulos de Formación Permanente

Prazo extraordinario de preinscripción en mestrados

Matrícula aberta para os 16 idiomas do CUID da UNED