Integración política e económica no espazo hispanoamericano

8 de noviembre de 2024

UNED Ourense e Uvigo ofrecen un curso con especialistas dos diferentes ámbitos de integración do hemisferio americano. Será do 18 ao 20 de novembro.

OURENSE, 8 de novembro de 2024. UNED Ourense e a Uvigo ofrecen conxuntamente o curso Integración (s), política (s) e económica (s) no espazo Iberoamericano: dinámicas, procesos, éxitos e fracasos, que se celebrará do 18 ao 20 de novembro na Facultade de Relacións Internacionais do Campus de Ourense. O curso ofrece unha visión de conxunto sobre os procesos de integración política e económica no espazo iberoamericano, con especial referencia aos casos centroamericano e sudamericano. Ofrécese unha análise crítica desde unha perspectiva a longo prazo, na que se avalían éxitos, fracasos, retos e condicionantes.

O profesorado está composto por académicos, xuristas, funcionarios e especialistas dos diferentes espazos de integración do hemisferio americano. Faise especial referencia ás dinámicas que dificultan a colaboración internacional, especialmente no ámbito da integración económica, e as dinámicas de seguridade. Consta de 10 horas lectivas e desenvolverase de modo presencial, tamén en loña, za sexa en directo ou en diferido.

O programa é o seguinte:

Luns, 18 de novembro

15:00-16:00 h. A integración rexional en Iberoamérica: Centroamérica e Sudamérica como casos complementarios. Con Luis Velasco Martínez, Profesor de Historia Contemporánea, Uvigo, membro do Grupo de Innovación Docente en Ensino non Presencial da USC e Membro do Grupo de Innovación Docente I2DH da Uvigo.
16:00-17:00 h. Contextualización da Integración Centroamericana. Intervirá Claudia Samayoa Elías, Profesora de Relacións Internacionais da Universidade de El Salvador (El Salvador).
17:00-18:00 h. Institucionalidade e Dereito Comunitario en Centroamérica. Con César Ernesto Salazar Grande, Maxistrado da Corte Centroamericana de Xustiza (Nicaragua).
18:00-19:00 h. As fronteiras económicas de Centroamérica: Chiapas e a integración centroamericana, sesión a cargo de Jorge López Arévalo, Profesor de Ciencias Económicas da Universidade Autónoma de Chiapas (México).
19:00-20:00 h. Integración Económica Centroamericana: 60 anos de acertos e desacertos. O relator será José Domingo Castellanos Sibrián, Profesor de Comercio do INCAE Business School (Costa Rica).

Mércores, 20 de novembro

11:00-12:00 h. América do Sur: 200 anos de (des) integración, con Ramiro Rodríguez Bausero, Diplomático do Ministerio de Asuntos Exteriores (Uruguay), Cónsul Xeral de Uruguay en Galicia, Asturias, Cantabria e País Vasco.
12:00-13:00 h. A integración latinoamericana como un desafío permanente: a experiencia da UNASUR, con Ernesto Nicolás Uribe Cifuentes, Asesor do Ministerio de Defensa (Chile).
13:00-15:00 h. A integración rexional en Iberoamérica: retos e prospectiva, a cargo de Luis Velasco Martínez. Tamén intervirá nesta sesión Silvia Marina Rivas Saravia, Profesora de Relacións Internacionais da Universidade de El Salvador (El Salvador).

Matrícula

A matrícula ordinaria custa 20 euros. Os estudiantes da UNED e os da Uvigo terán matrícula de balde. Os estudantes da UVigo teñen que enviar copia da matricula do curso 2024-2025. Se están simultaneando estudios da UVigo coa UNED, non é necesario.

Matrícula en liña

Este curso está dirixido por Julio Prada Rodríguez, Catedrático de Historia Contemporánea da Universidade de Vigo e Profesor Titor en UNED Ourense, sendo coordinador Luis Velasco Martínez.

Obxectivos

Coñecer os principais condicionantes xeopolíticos que incumben á integración no espazo Iberoamericano.
Identificar as principais estruturas, foros e organizacións de integración rexional da macrorrexión.
Identificar os axentes que participan nestas estruturas e as súas políticas específicas ao respeito.
Identificar éxitos e fracasos dos procesos analizados.
Capacitar no desenvolvemento de valoracións comparativas os procesos específicos desenvolvidos no ámbito Iberoamericano. Identificar axentes externos con capacidade de condicionar os procesos analizados.

Sistema de avaliación

Para obter o certificado/diploma do curso hai que enviar un resumen xeral do curso antes do 30/11/2024 ao correo: luis.velasco.martinez@uvigo.es