UNED Zamora e UNED Ourense organizan un ciclo sobre o Camiño Meridional

27 de febrero de 2024

Consta de seis conferencias gratuitas que se impartirán en Benavente, Rionegro del Puente, Puebla de Sanabria, Verín, Allariz e Ourense. Tamén poderán seguirse en liña previa inscrición gratuita. O ciclo cultural será do 2 ao 19 de abril. Inaugurarase en Benavente e a súa clausura terá lugar en Ourense.

OURENSE, 27 de febreiro de 2024. O chamado Camiño Meridional abrangue a parte do meridiano e sur de España. É un camiño que non coincide co Francés, sendo polo tanto unha ruta diferente. Dí o desaparecido estudoso deste Camiño, Elixio Rivas Quintas que por esta ruta xa pasaran os romanos e milleiros de viaxeiros e peregrinos sucesivamente no tempo. É un vieiro ben marcado tal como conta Bernardo de Aldrete, pelegrín a Santiago xunto a outros cabaleiros que partiron desde Córdoba nas primeiras semanas do ano 1615. Por este Camiño tamén transitou o séquito de Juana de Castilla e o seu esposo, Felipe el Hermoso, cando se valeron desta ruta para dirixirse a Remesal, en Palacios de Sanabria, habendo saído de Ourense, no século XVI. Estamos ante un gran Camiño de humanización, un itinerario de riqueza patrimonial, de santos e de reliquias. Por todo elo, UNED Ourense e UNED Zamora organizan o ciclo Os Caminos de Santiago: o Camiño Mozárabe ou Meridional nas provincias de Zamora e Ourense, que consistirá en seis sesións a impartir en: Benavente, Rionegro del Puente e Puebla de Sanabria na provincia zamorana, e Verín, Allariz e Ourense, en territorio galego. O curso será presencial e en liña, sen custe algún de matrícula. A súa inauguración terá lugar na Aula UNED de Benavente, en presenza dos directores de ambos os centros asociados: Jesús Manuel García Díaz, de Ourense e Antonio Rodríguez González, de Zamora, e tamén dos presidentes das Deputacións de Zamora, Javier Faúndez Domínguez e de Ourense, Luis Menor Pérez. Todas as sesións están previstas para las 19:00 horas. A cada relatorio pode acudir calquera cidadán interesado. Con esta iniciativa preténdese animar a vida cultural das localidades máis pequenas que serán sede dalgunhas das conferencias propostas.

Profetas no Pórtico do Paraíso da Catedral de Ourense, templo de visita obrigada na ruta xacobea do Camiño Meridional.

O programa é o seguinte:

Día 2 de abril, martes: Inauguración en Benavente polos directores de UNED en Ourense e UNED Zamora, e conferencia de Jesús de Juana: A creación de Santiago como punto de peregrinaxe da cristiandade occidental .
Día 5 de abril, xoves: Conferencia en Rionegro del Puente de Julio Badenes Almenara: O santuario da Virxe da Carballeda e a cofradía dos Falifos no Camiño Mozárabe de Sanabria. Unha ponte histórico cultural da peregrinaxe a Santiago.
Día 8 de abril martes: conferencia en Puebla de Sanabria de José Ignacio Martín Benito sobre Viaxeiros e camiño a Santiago na encrucillada de Benavente.
Día 10 de abril, mércores: en Verín, José Luis Rodríguez Cid, presidente da Asociación Amigos do Camiño Meridional: A protección do Camiño antes do Xacobeo 92 e como se foi mellorando nestes anos.
Día 17 de abril, mércores: en Allariz: Alejandra Fernández, avogada especializada en políticas de igualdade: O Camiño Meridional en perspectiva de xénero.
Día 19 de abril, venres: en Ourense: César Pichel, arquitecto director da Oficina de Rehabilitación do Casco Histórico de Ourense no cambio de milenio: Ourense, o ‘corazón’ do Camiño Meridional.

Os obxectivos deste ciclo son:

Dar a coñecer o Camiño Meridional ao su paso polas provincias de Zamora e Ourense.
Promocionar o patrimonio cultural de ambas provincias en relación con este itinerario histórico.
Animar o turismo nesta zona xeográfica.
Dar vida cultural ás vilas escollidas ao longo desta ruta.

Esta é a primeira colaboración que levan a cabo os centros de UNED Ourense e UNED Zamora. Preténdese que sexa o primeiro de varios, debido ás potencialidades comúns das dúas provincias.

Para seguir cada conferencia en liña, previamente é preciso inscribirse gratuitamente pinchando aquí. Unha vez inscritos, a UNED enviará os enlaces de conexión.

UNED Ourense