“Saír Mellores”, afrontar con optimismo e fortaleza a volta á normalidade tra-la COVID-19
A UNED ofrece o programa de balde Saír Mellores para dotar de recursos de resiliencia e estratexias de afrontamento a quenes desexan combatir as pegadas máis negativas do confinamento pola COVID-19, sair con enerxía positiva da pandemia e mantener un maior benestar emocional na volta á nova normalidade.
OURENSE, 16 de xuñi de 2020.- Iniciado o pasado mes de marzo, o proxecto de intervención psicolóxica personalizada conta con máis de 350 inscritos que seguen sesións semanais e está dirixido por un equipo de profesores e estudantes de Psicoloxía, encabezado por Andrés López de la Llave, do departamento de Metodoloxía e Ciencias do Comportamento, da Facultade de Psicoloxía.
A intervención psicolóxica levase a cabo a través dunha web que recolle as especificidades persoais de quen desexa seguir o programa, as súas necesidades e a súa dispoñibilidade. O equipo psicolóxico estuda as demandas e crea, para cada un, unha serie de exercicios e actuacións que deben seguir ao longo da semana, revisando ao final da mesma, os avances obtidos. A intervención dura 6 semanas e os logros son notables, “a xente sae mellorada, máis forte e con máis capacidade de valorar o aprendido, menos ansiosa, máis optimista e segura de si mesma”, explica López de la Llave. “Hai persoas que terminaron xa, pero como teñen acceso á web, seguen ligados ao programa, elijen as actividades que prefiren, seleccionan música, exercicios de relaxación, etc…” 
Saír Mellores céntrase en aliviar a incerteza e o malestar psicolóxico, que aumentaron ata o 78% e o 46 % da poboación durante o confinamento, segundo un estudo interuniversitario no que participou a UNED. As accións para afrontar a desescalada e a volta á nova normalidade promovidas pasan por: manter a calma e controlar o nivel de activación; aumentar o coñecemento das propias calidades e fortalezas, pero tamén das debilidades e limitacións, como ferramenta fundamental para afrontar as situacións adversas; manexar as propias emocións, permitirse ter emocións negativas e aprender a xestionalas.
Equilibrar eficazmente as emocións negativas coas positivas; establecer metas realistas a curto, medio e longo prazo e motivarse para avanzar cara a elas; desenvolver o sentido do humor, para ser positivos, optimistas, diminuír a ansiedade, animar aos demais, relativizar constantemente todo o que ocorre; mellorar a autoestima, confiando nas propias capacidades, valores e metas persoais; identificar e substituír as ideas irracionais que non nos permiten ter a actitude máis eficiente ( perfeccionismos, victimismos, anticipacións negativas, culpabilidade, necesidade de aceptación…); desenvolver a creatividade e flexibilidade cognitiva; favorecer o apoio social mellorando a comunicación interpersoal con quen teño máis preto e tamén con aqueles aos que aínda ou xa non podemos ver en persoa.
En beneficio de todos
Unha vez deseñado o proxecto e valorada a súa eficacia nos primeiros usuarios, o equipo psicolóxico de Saír Mellores decidiu mantelo aberto e gratuíto ata, polo menos, finais deste ano 2020. Decisión baseada, principalmente, nas previsións dos equipos asesores sanitarios do Goberno, que prevén a aparición de rebrotes da COVID-10 no outono. E, en segundo lugar, nos beneficios xerais constatados neste primeiros tres meses de aplicación.
Andrés López de la Llave e a profesora e codirectora do programa, Mª Carmen Pérez Llantada, coinciden en destacar que o programa beneficia a todos os que interveñen, “tanto aos usuarios, que saen mellorados, como a nós, os que o aplicamos, porque nos serve para dotar ás nosas alumnas e alumnos, tanto do Grao de Psicoloxía como do Máster Interuniversitario de Metodoloxía das Ciencias do Comportamento e da Saúde (UNED, UCM, UAM), de recursos prácticos para o futuro exercicio da súa profesión”.
Sinalan tamén que “isto non é unha terapia para a depresión, a ansiedade ou o soño. Cando detectamos algún trastorno que ha de ser tratado especificamente, derivámolo cara a outros servizos da UNED, como o SPA (Servizo de Psicoloxía Aplicada). A nosa razón de ser é combater a incerteza e incentivar os puntos fortes da propia personalidade dos usuarios para saír mellores e capaces de aplicar as leccións ben aprendidas durante o confinamento”. Algunhas web para unha mellor volta á normalidade.
Algunhas web para unha mellor volta á normalidade
Aida Fernández
Comunicación UNED
