Convocado o IV Premio Literario UNED para Xóvenes Escritores

26 de noviembre de 2024

A Facultade de Filoloxía convoca este certame apoiando a creación literaria entre os estudantes de 4º de ESO e 1º de Bachalerato.

OURENSE, 26 de novembro de 2024. A UNED, a través da Facultade de Filoloxía e en colaboración co departamento de Actividades Culturais, fomenta e apoia a creación literaria entre os estudantes de 4.º de ESO e 1.º de Bacharelato e convoca o IV Premio Literario da UNED de relato curto para novos escritores, dacordo cas seguintes bases:

Poderán participar todos os estudantes de 4.º de ESO e 1.º de Bacharelato ou equivalentes, cunha idade máxima de 18 anos cumpridos á data de entrega de orixinais; que sexan residentes en España ou estudantes de centros no estranxeiro con titularidade española e convenio coa UNED.
A extensión dos relatos, que deberán estar escritos en castelán, non superará un máximo de 2.000 palabras e terá un mínimo de 1.000. O tema desta convocatoria terá que estar relacionado co transhumanismo e os cíborgs.
As obras serán orixinais e inéditas e non serían premiadas con anterioridade noutro concurso, nin estarán presentadas a outro premio pendente de fallo. Así mesmo, non se aceptarán traballos nos que se utilizou Intelixencia Artificial. Para iso, deberá presentarse unha declaración xurada.
Cada autor soamente poderá presentar unha obra. Os participantes deberán ter en conta o seguinte:

Os relatos, asinados con pseudónimo, enviaranse á seguinte dirección de correo electrónico: premiojovenes@adm.uned.es
As obras presentaranse en formato Word. O nome do arquivo será o título do relato.
Os autores terán que enviar os seus datos persoais enchendo o formulario de admisión publicado xunto a estas bases.
O título do relato que se envía a través do correo electrónico ten que coincidir co título do relato que figura no formulario de admisión.
Tanto o formulario como o relato deben enviarse ao mesmo tempo. Hase de comprobar que os datos do envío e do formulario coinciden.
Para os menores de idade será necesaria unha autorización dos pais ou titores legais, que deberá anexarse tamén ao correo electrónico.
Non se recibirá acuse de recibo nin se manterá correspondencia algunha cos concursantes.

Premios

Un primeiro premio dotado con 800 euros e un diploma.
Un segundo premio dotado con 500 euros e un diploma.
O xurado poderá declarar deserto o segundo premio ou ambos, así como conceder premios ex aequo.
Do Premio deduciranse as cargas tributarias correspondentes e o seu importe terá carácter de compensación pola renuncia aos dereitos de autor.
O xurado seleccionará tamén algúns relatos para publicalos nun volume, xunto cos dous gañadores, nun libro que editará a UNED.

O prazo de presentación de orixinais concluirá o 15 de marzo de 2025 ás 24.00 h (horario peninsular español).

Fallo

O fallo do xurado e entrega de premios farase público durante os meses de maio ou xuño de 2025.
O xurado estará integrado polo decano da Facultade de Filoloxía da UNED, un autor de prestixio de literatura xuvenil e un profesor de literatura de ensino secundario. A súa decisión será inapelable.

A participación no concurso implica a total aceptación das bases e cesión de dereitos de reprodución e distribución para o volume que se editará de premiados e seleccionados.

A Universidade Nacional de Educación a Distancia garante o cumprimento da Lei Orgánica 3/2018 de Protección de Datos de Carácter Persoal.

AUTORIZACIÓN PARA MENOR DE IDADE E DECLARACIÓN XURADA

Eu, ___________________________________________, con DNI núm. ______________________________, con domicilio en______________________________ e con conta de correo electrónico______________________________, en calidade de pai/nai/titor legal,

AUTORIZO ao meu fillo/filla, _______________________________,menor de idade, nado/nacida o ___ de _________de ____, con DNI núm.______________, a participar no IV Premio literario UNED de relato curto para novos escritores.

Así mesmo, DECLARO BAIXO XURAMENTO OO PROMETO que o texto é obra orixinal e non contou co uso de ningún sistema de Intelixencia Artificial; que é inédito; que non foi previamente premiado en ningún certame, e que non foi presentado ao mesmo tempo a outros certames cuxo fallo está pendente de publicación.

En ………………………, a ...… de ……....de 202..

Asinado: