A UNED organiza un curso para analizar xurídicamente a Violencia de Xénero na actualidade

27 de octubre de 2023

Do 9 ao 20 de novembro, distintos profesionais da UNED, a Uvigo, a Xudicatura e a Avogacía, intervirán nunhas sesións froito da colaboración entre a UNED Ourense e o Colexio da Avogacía de Ourense.

OURENSE, 27 de outubro de 2023. UNED Ourense, en colaboración co Colexio dá Avogacía de Ourense, organiza o Curso sobre Violencia de xénero: Análise xurídica actual, que se celebrará do 9 ao 20 de novembro de 2023. Ten dous espazos de celebración: o salón de actos da Facultade de Dereito do Campus de Ourense, e o Salón Nobre do Liceo de Ourense. Este curso achega os coñecementos requiridos para desenvolverse de maneira profesional no ámbito da igualdade e violencia de xénero. Consta de 11 horas lectivas e as súas sesións desenvolveranse presencialmente dacordo co seguinte programa: Xoves, 9 de novembro. As tres sesións terán lugar no salón de actos da Facultade de Dereito da Uvigo en Ourense.

16:30-17:30 h. Xulgar con perspectiva de xénero, con Susana Pazos Méndez, maxistrada do Xulgado do Penal número 2 de Ourense.
17:30-19:00 h. Novas figuras delituosas en violencia de xero. Especialidades da Violencia de Xénero cometida a través das tecnoloxías da información e a comunicación. Impartirá esta sesión Natalia Torres Cadavid, profesora Axudante Doutora en Dereito Penal da Facultade de Dereito, Campus de Ourense, Universidade de Vigo.
19:00-20:30 h. Problemas procesuais de maior incidencia no proceso penal por delitos de violencia de xénero. Con Carlos Suárez-Mira Rodríguez, maxistrado do Xulgado Penal 3 da Coruña, Profesor Titor de UNED A Coruña, e Profesor titular de Dereito Penal na UDC (en excedencia).

Luns, 13 de novembro. As tres sesións celebraranse no Liceo de Ourense.

16:30-18:00 h. Violencia de xénero na mocidade. Con Teresa San Segundo Manuel, Profesora Titular Dereito Civil na UNED; Directora Centro Estudos Xénero, e do Mestrado en Malos tratos e violencia de xénero da UNED.
18:00-19:30 h. A violencia de xénero nos menores de idade. Incidencia e impacto nos menores da violencia de xénero. Outras formas de violencia de xénero sobre os menores. Intervirá José Manuel Ucha López, Fiscal delegado de Menores en Ourense.
19:30-20:00 h. Debate, no que participarán Teresa San Segundo Manuel, e José Manuel Ucha.

Luns, 20 de novembro. As súas tres sesións terán lugar no Liceo de Ourense.

17:00-18:30 h. Afectación dos menores nos delitos de violencia sobre a muller: violencia vicaria, victimización secundaria e dereito de visita. Con Elena Fernández Landeiro, Avogada fiscal- Sección Monforte.
18:30-20:00 h. Delitos con maior incidencia en violencia de xénero, a súa configuración na lexislación penal española: evolución lexislativa. Referencias delituosas contidas no Convenio de Istambul. Falará Belen Rubido da Torre, Xuíza Decana en Pontevedra.
20:00-20:30 h. Debate, coa participación de Elena Fernández Landeiro e Belen Rubido da Torre. A matrícula é gratuíta. É necesario inscribirse aquí. Este curso está dirixido por Teresa San Segundo Manuel e coordinado pola avogada ourensá Fátima María Salgado Carbajales.

A matrícula é gratuita. É necesario inscribirse aquí.

Este curso está dirixido por Teresa San Segundo Manuel e coordinado pola avogada ourensá Fátima María Salgado Carbajales.

UNED Ourense