A UNED convoca o II Premio Literario de Relato Curto para mozos escritores
Por medio da súa Facultade de Filoloxía anima aos estudantes de 4 de ESO e 1º de Bachalerato a presentar os seus textos con data límite do 1 de maio de 2023.
OURENSE, 19 de setembro de 2022. A Universidade Nacional de Educación a Distancia, a través da Facultade de Filoloxía e en colaboración co departamento de Actividades Culturais, fomenta e apoia a creación literaria entre os estudantes de 4.º de ESO e 1.º de Bachalerato e convoca o II Premio Literario da UNED de relato curto para xoves escritores.
BASES
I. Poderán participar todos os estudantes de 4.º de ESO e 1.º de Bachalerato ou equivalentes, cunha idade máxima de 18 anos cumpridos na data de entrega de orixinais; que sexan residentes en España, ou estudantes de centros no estranxeiro con titularidade española e convenio coa UNED.
II. A extensión dos relatos, que deberán estar escritos en castelán, non superará un máximo de 2.000 palabras e terá un mínimo de 1.000. O tema desta convocatoria terá que estar relacionado coa sostibilidade e o medio ambiente.
As obras serán orixinais e inéditas e non estarán premiadas con anterioridade noutro concurso, nin estarán presentadas a outro premio pendente de fallo.
Cada autor somentes poderá presentar unha obra.
III. Os participantes deberán ter en conta o seguinte:
1. Os relatos, asinados con pseudónimo, enviaranse á seguinte dirección de correo electrónico: premiojovenes@adm.uned.es
2. As obras presentaranse en formato Word. O nome do arquivo será o título do relato.
3. Os autores terán que enviar os seus datos personais recheando o formulario de admisión publicado na páxina web xunto a estas bases.
O título do relato que se envía a través do correo electrónico ten que coincidir co título do relato que figura no formulario de admisión.
4. Tanto o formulario como o relato deben enviarse ao mesmo tempo.
Deberase comprobar que os datos do envío e do formulario coinciden.
5. Para os menores de idade será necesaria unha autorización dos pais ou titores legais, que deberá adxuntarse tamén ao correo electrónico. Móstrase o modelo de autorización no anexo.
Non recibirán acuse de recibo nin se manterá correspondencia algunha cos concursantes.
IV. Establecense os seguintes premios:
• Un primeiro premio dotado con 800 euros e un diploma.
• Un segundo premio dotado con 500 euros e un diploma.
O xurado poderá declarar deserto o segundo premio ou ambos os dous, así como conceder premios ex aequo.
O xurado seleccionará tamén algúns relatos para publicalos nun volume, xunto cos dos ganadores, nun libro que editará a UNED.
V. O prazo de presentación de orixinais concluirá o 1 de marzo de 2023 ás 00:00 horas (horario peninsular español).
VI. O fallo do xurado e entrega de premios farase público durante os meses de maio ou xuño de 2023.
O xurado estará integrado polo decano da Facultade de Filoloxía da UNED, un autor de prestixio de literatura xuvenil e un profesor de literatura de ensino secundario.
A súa decisión será inapelable.
VII. A participación no concurso implica a total aceptación das bases e cesión de dereitos de reproducción e distribución para o volume que se editará de premiados e seleccionados.
A Universidade Nacional de Educación a Distancia garante o cumprimento da Lei Orgánica 3/2018 de Protección de Datos de Carácter Persoal.
UNED Ourense
Comunicación
