Concerto de fin de curso para UNED Senior no Teatro Principal de Ourense

25 de junio de 2022

O vindeiro xoves, 30 de xuño, os alumnos máis veteranos disfrutarán de unha actuación musical protagonizada pola Agrupación Musical de A Limia. O acto está aberto a cantos queiran asistir, ata encher aforo.

OURENSE, 25 de xuño de 2022.-Os estudantes da UNED Senior en Ourense van despedir o curso 2021-22 os vindeiros días 28 e 30 de xuño cunha excursión e un concerto no Teatro Principal. A excursión farase á cidade de Pontevedra, para visitar os seus monumentos, percorrer as súas rúas e ver as súas paisaxes marinas dos arredores. Isto terá lugar o martes, 28. Dous días despois, terán unha cita no Teatro Principal de Ourense cun concerto que lles dará a Agrupación Musical de A Limia, a partires das 19.00 horas. A esta actividade musical poderán acudir cantos ourensáns queiran, ata cubrir aforo.

A Agrupación Musical de A Limia interpretará as seguintes composicións:

Camino de Rosas (Pasodoble), de José Franco e Ribate
Portraits of Spain, Teo Aparicio Barberán
Spirited Away, Joe Hisaishi
La bella, María Mendoza
El Vals de Las Mariposas, Dani Daniel
Medley Boleros, Popular
Por qué te vas, Jeanette
Mi gran noche, Raphael

Antes da actuación musical, intervirán a coordenadora da UNED Senior en Ourense, María Concepción Álvarez Gómez, e o director de UNED Ourense, Jesús Manuel García Díaz, quen agradece "a iniciativa da Agrupación Musical de A Limia para poñer o broche de ouro ao curso dos nosos maiores, unhas persoas encantadoras que gozan coas materias de temas tan variados como as que teñen nesta modalidade formativa que ofrece a UNED en Ourense. E tamén agradezo a disposición da dirección do Teatro Principal para acoller este acto. Entre todos sumamos e facemos máis e mellor Ourense".