A UNED alonga ata o 17 de xaneiro a matrícula nos seus cursos de Formación Permanente

1 de diciembre de 2021

O Consello de Goberno da UNED ven de aprobar a ampliación do prazo de matrícula de algúns dos títulos propios ata o vindeiro 17 de xaneiro de 2022. Son máis de medio milleiro de cursos deseñados para manter a aprendizaxe ao longo da vida e para actualizar os coñecementos e capacitación das persoas.

OURENSE, 1 de decembro de 2021. Os cursos están agrupados en dous grandes bloques, dependendo da formación previa, universitaria ou non universitaria: Posgrao, incluidos programas modulares cuxo título final depende do número de créditos que se vaian cursando; e Desenvolvemento Profesional e Persoal, algúns de Ensino Aberto que non esixen formación universitaria previa e que adoitan respostar a demandas concretas de sectores económicos e industriais do país. A matrícula debe realizarse en liña.

Todos os cursos, todas as oportunidades

Matricúlate en liña

Elixe a túa área de especialización

Vocación por ensinar, vocación por entender, vocación por coidar: últimos días de matrícula en Educación e Psicoloxía

Últimos días de matrícula en enxeñerías: ferramentas e sistemas de xestión que te permitirán formar parte do cambio

Humanismo e ciencias sociais: últimos días de matrícula para aumentar o teu talento en linguas, economía, dereito, historia e filosofía

Atención científico!, últimos días para matricularte en Química Insólita e Virus Emerxentes, dous títulos da UNED que se adaptan a ti

A vicerreitora de Formación Permanente, Beatriz Badorrey Martín explica como todos os cursos están deseñados para manter a aprendizaxe ao longo da vida e para actualizar os coñecementos e capacitación das persoas. Están agrupados en dous grandes bloques, dependendo da formación previa, universitaria ou non universitaria: Posgrao, que inclúe programas modulares nos que cursando maior ou menor número de créditos obtéñense en distintas titulacións máis completas canto maior é o número de créditos; e Desenvolvemento Profesional e Persoal, que contén os títulos de Ensino Aberto, sen requisito algún de formación previa e que adoitan respostar a demandas concretas de sectores económicos e industriais. Cada crédito europeo (ECTS) está estimado pola UNED en 25 horas de estudo e dedicación á materia estudada.